Related InterviewSolutions

• कान्ह भये बस बाँसुरी के, अब कौन सखी, हमकौं चहिहै ।निसद्यौस रहै सँग-साथ लगी, यह सौतिन तापन क्यौं सहिहै ॥जिन मोहि लियौ मनमोहन कौं, रसखानि सदा हमकौं दहिहै ।मिलि आओ सबै सखि, भागि चलें अब तो ब्रज मैं बँसुरी रहिहै ॥
• जा दिन तें वह नंद को छोहरा, या बन धेनु चराई गयी है।मोहिनी ताननि गोधन गावत, बेनु बजाइ रिझाइ गयौ है ॥वा दिन सो कछु टोना सो कै, रसखानि हियै मैं समाई गयी है।कोऊ न काहू की कानि करै, सिगरो ब्रज बीर बिकाइ गयौ है ।
• धूरि भरे अति सोभित स्यामजू, तैसी बनी सिर सुंदर चोटी ।खेलत खात फिरै अँगनी, पग पैंजनी बाजति पीरी कछोटी ॥वा छबि को रसखानि बिलोकत, वारत काम कला निज कोटी ।काग के भाग बड़े सजनी हरि-हाथ सों लै गयौ माखन-रोटी ॥
• आजु गयी हुती भोर ही हौं, रसखानि रई बहि नंद के भौनहिं ।।वाको जियौ जुग लाख करोर, जसोमति को सूख जात कह्यौ नहिं॥तेल लगाइ लगाई कै अँजन, भौंहैं बनाई बनाई डिठौनहिं ।डारि हमेलनि हार निहारत बारत ज्यौं पुचकारत छौनहिं ॥
• मानुष हौं तो वही रसखानि, बसौं बज गोकुल गाँव के ग्वारन ।जौ पसु हौं तो कहा बस मेरो, चरौं नित नंद की धेनु मँझारन ॥पाहन हौं तो वही गिरि को, जो धर्यौ कर छत्र पुरंदर-धारन ।जो खग हौं तो बसेरो करौं मिलि कालिंदी-कूल कदंब की डारन ॥
• निम्नलिखित पंक्तियों में कौन-सा रस है, उसके स्थायी भाव का नाम लिखिए(क) तेल लगाइ लगाह के अंजन, भाँहँ बनाइ बनाइ डिठौनहिं ।(ख) जिन मोहि लियौ मनमोहन , रसखानि सदा हम दहिहै ।मिलि आओ सबै सखि भागि चलें अब तो ब्रज में बँसुरी रहिहै ।।
• गोरज बिराजै भाल लहलही बनमाल,आगे गैयाँ पाछे ग्वाल गावै मृदु बानि री।तैसी धुनि बाँसुरी की मधुर-मधुर जैसी,बंक चितवन मंद मंद मुसंकानि री ॥कदम बिटप के निकट तटिनी के तट,अटा चढ़ि चाहि पीत पट फहरानि री ।रस बरसावै तन-तपनि बुझावै नैन,प्राननि रिझावै वह आवै रसखानि री ॥
• मोर-पखा सिर ऊपर राखिहौं, गुंज की माल गरें पहिरौंगी।ओढिपितम्बर लै लकुटी, बन गोधन ग्वारन संग फिरौंगी॥भावतो वोहि मेरो रसखानि, सो तेरे कहै सब स्वाँग करौंगी।या मुरली मुरलीधर की, अधरान धरी अधरा न धरींगी ॥